Clara

Nee, wat denn? Ick bünn en Schauster un sall mi wat trecht schaustern! Dat is nich licht, denn ick hewt nich liert. Na, tauirst will ick mi mal De Schauh bekieken un bi de lüttsten Schauh anfang'n. Dit sünd Diego sien. Dat lütt Kröt hett doch richtig wedder de Schauh vörn affpeddt, dat kümmt von’t upptrampeln, wenn mann sienen Willen nich stantepeh bekümmt. Mötst die ook noch affgewennen lütt Jung'! Und dit sünd Wolfgang sien! De hebben överall Löcker, hinnen un vörn, boben un ünn. De Jung hett nich en Minut Ruh'. Hierhen un dorhen, rut un rin. Jung' Du mötst dat Stillsitten noch lieren in de Schaul! Over dorför bist ‘n richtigen Jung. Un dit sünd Grotstadtschauh! Süht man gliek. So‘n Sohlen taun Dörchkiken mokt keen Dörpschauster. Na för de Grotstadt is’t gaut naug, dor brukt man nich över Knüppeldamm gahn und uns Mie geiht jo ganz patent up ehr Beinwark. Süh, hier sünd Nögels ünner! All wedder up de Wannerschaft Georg? lck glöw, du mötst di manchen Nagel ruttrecken, denn mit lütt Kinner geiht kladdern nich so ilig. Noch en poor Johr wieder, denn kannst mit de ganze Fomilie Barg up und Barg dal loopen. De Schauh kenn ick ook! Hett sick Truding ehr Hacken all wedder scheiv loopen! Alle 14 Dag en nigen Hacken up. Aver wenn süst man allens grad geiht, denn können de Hacken giern en bäten scheiv sien. Und dit sünd de Elwkähn! Jedesmal en Nummer gröter un süst lewt Erich doch man upp en lütten Faut. Averst dit kümmt von dat Maschieren un Fahneninweihn, denn kann man länger loopen un kriggt keen Höhnerogen. Dit sünd Klaring ehr. Hett ümmer de sülven_hier, tau Hus möt se upp Puschen sluren, dormit de Kinner lieren, wie sick dat anhürt, wenn man lising geiht. Aver süst geiht se as en Hirsch hett mi mal en Kolleg vertellt. Un Franz hett sien Nachtschauh hier. lck mein dor nich de Niederpedder mit, sondern de Schauh de hei nachts tau Arbeit anhett. De Besten sünd nich mihr, aver nachtens füllt wieder nich upp, dor kiekt einen nümms nah de Bein.